Það verður spennandi ...

Þessi þáttur gæti verið spennandi að sjá, en af hverju í andsk... get ekki íslenski sjónvarpsmiðlar búið til sitt eigið skemmtiefni. Að þurfa að apa eftir einhverju frá útlöndum (kaupa notkunarrétt) í stað þess að setja svona einfalda þætti saman. Við íslendingar getum alveg sést niður og samið svona álíka þætti. Þetta er spurning um: skemmtun, spennu, tónlist og líflegan stjórnanda.

Jónsi: Verð að læra að hemja mig

Stórhættulegt

Maður heyrir oft í fréttum að ófært sé inn í Krossá, margt sé innlyksa, og hætti geti skapast. Er þá ekki kominn tími til að laga veginn og setja brú yfir verstu vatnaföllin, svo að sem flestir geti notið þessa fallega landsvæðis ?

Skólabörnin komin til byggða

Kunna menn ekki að reikna...

Það er alveg fáránlegt fyrir borgina að leiga, í stað þess að byggja sitt eigið húsnæði. Leigukostnaður er 413 milljónir á ári, það gera 10.325 milljónir á 25 árum ! Er ekki hægt að byggja sæmilegt hús fyrir þann pening. Svo leigja þau líka húsgögn. - Fáránlegt !

Ársleiga í Borgartúni 414 milljónir

Er ekki tilvalið ...

Hvernig væri það nú að sjónvarpið sýndi þessa "merkilegu" mynd. Er ekki tímabært að ungviðið sjái þessar frábæru gömlu tónlistarmyndir, svo að þau haldi ekki að það sé bara til HIPP-HOPP. 

Íslensk náttúra í Bítlamynd

Týndar heimildir...

Ég hef oft hugsað um það hversu mikið af ýmsum heimildum glatast hér á landi.

En forsaga þessa máls er sú að ég vann um skeið sem hljóðmaður hjá Leikfélagi Akureyrar og stýrði þar hljóði á leiksýningum þess,  m.a. Edith Piaff. Aðeins eru til skriflegar heimildir um þessa sýningu ásamt (eflaust) nokkrum ljósmyndum. Það hefði ekki verið mikið mál að taka upp heila sýningu upp á vídeó með einfaldum tækjum bara til að eiga sem heimild.  Auk þess er mjög fróðlegt og skemmtilegt að sjá "lifandi myndir" af uppfærslum, sjá leikgerð, lýsingu, búninga og fleira sem nýtist vel.  

Kostnaður við þetta er sáralítill, ein stafræn vídeótökuvél á 100 þús.  Punktur og basta. ! Ég er ekki að tala um það að leikfélögin séu með 3 - 5 vídeótökuvélar sem ná öllum sjónarhornum og mikið og flókinn tækjabúnað - nei - bara eina góða vídeótökuvél sem sett er þannig að hún nái öllu sviðinu. Hljóðmaður/ljósamaður kveikir svo á vélinni þegar sýning hefst og slekkur í lok sýningar. Svo einfalt er þetta. !

Ég hef sterkan grun um það að leikhúsin á landinu eigi ekki sínar sýningar á vídíói/DVD sem heimild til komandi kynslóðar. Þetta er tapað ! Er ekki kominn tími til að halda öllu þessu til haga og skikka leikfélögin til að afhenda t.d. Borgarbókasafni eintak af hverri uppfærslu, upp á framtíðina að gera ?

Öllum bóka- og tímaritaútgáfum er skylt að senda Borgarbókasafninu eintak af af sinni útgáfu, ætti ekki leikfélögin að falla undir sama hatt ?

Það væri fróðlegt að vita hvort að einhver leikhús taki upp sýningar til geymslu sem heimild. Ef þú veist um leikhús/leikfélag sem hefur haft vit á því að taka upp og geyma, þá mátt þú alveg koma því að hér....

Haustnámskeiðin fylgja haustlægðinni...

Næstu vikur verða í boði fjölbreytt ljósmyndanámskeið fyrir byrjendur sem lengra komna. Viltu læra á vélina sjálfa, eða viltu læra að taka betri myndir. Viltu læra allt um stúdíóitökur eða er Photoshop eitthvað sem þú hefur hug á að læra.  Kynntu þér málið á www.ljosmyndari.is

Er ekki kominn tími á ...

Þetta er mjög vinsæll ferðamannastður og mér finnst að núna sé lag að leggja almennilegan veg þangað og brúa þessar ár sem fara þarf yfir.  Þessar ár eru stórhættulegar og nokkuð oft verða þarna vatnavextir.

Reynt að koma fólki úr Þórsmörk

Flott hjá þér Gunnlaugur.

Svona á að gera þetta. - Gunnlaugur er ekki í vandræðum með að hlaupa þetta, enda í góðri þjálfun. Þess má geta að hann er ágætis ljósmyndari eins og sjá má hér http://www.fokusfelag.is/cpgallery/thumbnails.php?album=180

Gunnlaugur í haustlitahlaupi

Eigum við að safna fyrir...

Það er alveg merkilegt að þegar verið er að safna fyrir útlendinga - t.d. börn í einhverju fátæku ríki í henni Afríku, þá fer allt á fullt, fjölmiðlar fjalla allir um þetta og allir tilbúnir að gefa; rándýra ljósakrónu, heimsfrægan kjól og út að borða fyrir 10 manns og ég veit ekki hvað. - Þetta þykir svo fínt og málefnið auðvitað "mjög gott" En hvað með allt þetta fátæka íslenska fólk sem býr hér á landi og á ekki til hnífs eða skeiðar.  Væri ekki nær að safna fyrir þeim - fyrst -. Njeiii - það þykir nefnilega ekki nógu fínt.

Eigum við ekki að taka okkur til og fá ýmsa þjóðþekkta til að styrkja söfnun fyrir alla þá sem minna mega sín (hér á landi ) Fá Laugardalshöllina og gera þetta með stæl - beinar útsendingar á Stöð 2 og RUV. Uppboð á ýmsum flottum listaverkum - út að borða með Ráðherrum og annað sniðugt.

Styðjum fátæka Íslendinga.

Útlendingar alls staðar...

Fyrir rúmlega ári síðan fór ég í bæinn og þurfti að útrétta á nokkrum stöðum. Byrjaði á því að koma við í Pósthúsinu og þar starfaði Indverji, fór með bílinn í umfelgun þar var hópur af Pólverjum sem skildu auðvitað ekkert hvað ég var að rausa, fór þaðan á veitingastað þar sem 2 pólskar stúlkur afgreiddu, (reyndar búið að loka staðnum). Eftir matinn fór ég í Skattstofuna í Hafnarfirði, þar var Rússnesk stúlka að vinna.  - Hvernig er Ísland að verða. ? 

Fór ekki alls fyrir löngu upp að Geysi og bað um eina með öllu - þá svaraði afgreiðslustúlkan með orðinu "vatt" ( skrifað What á engilsaxnesku) Ég þráaðist við og bað aftur um eina með öllu og miklu remúlaði. Stelpugreyið yppti bara öxlum. - Auðvitað á að ráða ÍSLENDINGA í vinnu í "frontinum" ekki útlendingar. Við ÍSLENDINGAR eigum rétt á því. Það á ekki að bjóða okkur þetta.